৫.০      ৱাহৌদোক

৫.১      পান্দমশিং

৫.২      কম্প্যুটর নেতৱর্ককী মরমদা ইহান হান্না খঙগদবশিং

৫.২.১   লোকেল এরিয়া নেতৱর্ক (LAN)

৫.২.২   ৱাইদ এরিয়া নেতৱর্ক (WAN)  

৫.৩     ইন্টর্নেত

৫.৩.১   ইন্টর্নেতকী ৱাখল্লোন

৫.৩.২   ইন্টর্নেত্তা য়াওরিবা মচাকশিং

৫.৪      ইন্টর্নেত্তা ফংলিবা সার্বিসশিং

৫.৪.১   ৱার্ল্দ ৱাইদ ৱেব অমসুং ৱেবসাইতশিং

৫.৪.২   ইন্টর্নেত্তা ই-পাউ ফাওনবা

৫.৪.৩   ইন্টর্নেত্তা ফংলিবা অতৈ সার্বিসশিং

৫.৫     ইন্টর্নেত শিজিন্ননবা কম্প্যুটর শেম-শাবা

৫.৬     শমলপ্পা ৱারোল

 

 

ওর্গানাইজেসনশিংদা কম্প্যুটরশিং অসি ইনফোর্মেসনবু অমগা অমগা মরি লৈনহন্নবা অমসুং লৌথোক্নবা শিজিন্নদুনা লাক্লি। কম্প্যুটরশিং অসি শম্নরগা অরৈবা রিছোর্সশিং পুন্না শিজিন্নমিন্নবা, য়াম্না থাজনিংঙাই ওইহনবা অমদি অমগা অমগা পাউ ফাওনহনবা য়াই।   কম্প্যুটরশিং অমগা অমগা শম্নহনবা নত্ত্রগা নেতৱর্ক তৌবনা মেইনফ্রেম কম্প্যুটরদগী হেন্না শেল চঙহন্দে অমদি থবক তৌবা ঙম্বগী চাংসু হেল্লি।  নেতৱর্ক তৌবনা কনাগুম্বা অমনা অরাপ্পা মফমদা লৈবা ইনফোর্মেসনশিং লৌবা য়াহল্লি, বিল থিদোকপা য়াহল্লি, বেন্ক একাউন্ট মেনেজ তৌবা য়াহল্লি অমদি মখোয়গী ইনভেশমেন্টশিং ইলেক্ত্রোনিক ওইনবা মেনেজ তৌজবা য়াহল্লি। ৱার্ল্দ ৱাইদ ৱেবতা হিরম খুদিংমক্কী ইনফোর্মেসনশিং অয়াম্বনা য়াওই। নেতৱর্ক তৌবগী ৱাহৈদা নত্তনা হৌজিক্তি মখোল অমসুং ভিদিওসু য়াওরে। মফমগী মখা পোন্দনা ইন্টর্নেত অসি ইমেইল, ৱার্ল্দ ৱাইদ ৱেবনচিংবা হিরম কয়াদা শিজিন্নবা য়াই।

 

 

মসিগী পারা অসি লোয়রবা মতুংদা অদোম্না মখাগীশিং অসি ঙমগদবনি

 

• লোকেল এরিয়া নেতৱর্ক (LAN)কী তোঙান-তোঙানবা ৱাখল্লোনশিং খঙবা
• ৱাইদ এরিয়া নেতৱর্ক (WAN)কী টর্মিনোলোজিশিং মমুত তানা খঙবা
• ৱাইদ এরিয়া নেতৱর্ক (WAN) কন্নেক্সনশিংগী তোঙান-তোঙানবা মখলশিং খঙদোকপা
• ইথর্নেত কার্দ শেমগতপা
• দাইল অপ তৌনবা মোদেল কার্দ শেম শেম-শাবা
• ইন্টর্নেত্তা শিজিন্নরিবা তোঙান-তোঙানবা প্রোতোকোল অমসুং তার্মশিংগী মরমদা খঙবা

 

কম্প্যুটরশিং অমদি কম্মুনিকেসনগা পুনশিনবনা কম্প্যুটর সিষ্টেম ওর্গানাইজ তৌবগী মওংদা য়াম্না চাওনা অহোংবা পী । অরিবা মোদেলদা ওর্গানাইজেসনশিংগী দরকার লৈবশিং পু্ম্নমক মেইনফ্রেম কম্প্যুটর অমনা তৌরম্বদু হৌজিক্তি তোঙান-তোঙান্না লৈবা কম্প্যুটর ময়াম অমা অমগা অমগা শম্নরগা থবকশিং অদু তৌহল্লে । মসিগী অনৌবা সিষ্টেমশিং অসিবু কম্প্যুটর নেতৱর্ক হায়না কৌই । 

 

লোকেল এরিয়া নেতৱর্ক হায়রিবা ৱাহৈ অসিমক্না তাক্লিবসি অপিকপা জগা অমদা তৌবা নেতৱর্ক অদুবুনি । খরা শন্দোক্না হায়রবদা অপিকপা কা অমা, বিল্দিং অমগী মনুংদা কেম্পস অমগী অমগী মলুংদা তৌবা কম্প্যুটরগী নেতৱর্ক অদুবু লোকেল এরিয়া নেতৱর্ক হায়না খঙনৈ । লোকেল এরিয়া নেতৱর্ক (LAN)কী মগুন অহুম লৈ অমদি মগুনশিং অসিনা অতৈ নেতৱর্ক মখলশিংদগী তোঙাল্লি । মগুনশিং অদুদি i) পাক চাওবা, ii) ত্রান্সমিসন টেক্নোলোজি, iii) টোপোলোজি

পাক-চাওবা: মথক্তা পনখিবা অদুগুম্না, লোকেল এরিয়া নেতৱর্ক (LAN)শিংগী পাক-চাওবদি অকক্নবা লৈগনি অমদি মহৌশানা কিলোমিটর অমগী অকোয়বগী মনুংদা লৈ ।

ত্রান্সমিসন টেক্নোলোজি: মসিনা তাক্লিবসিনা দাটাশিংবু হৌরকফম অমদগী পন্থুংফম তান্না ত্রান্সমিত তৌবদা শিজিন্নরিবা টেক্নোলোজি অদুবুনি ।  LAN হায়বসি নেতৱর্ক অদুগী মনুংদা লৈরিবা কম্প্যুটর খুদিংমক্না লৌথোক লৌশিন য়াবা ব্রোদকাষ্ট চেন্নেল অমনি ।  হৌজিক্কী মতমদা অসিগুম্বা মখলগী নেতৱর্ক অসিদা দাটাশিং পুথোক-পুশিন তৌবগী খোংজেল অসি Mbps ১০ দগী Mbps ১০০০ (সেকেন্দ অমদা গিগা বিট ১) নত্ত্রগা হেন্না ওই । 

টোপোলোজি: টোপোলোজি হায়বদি নেতৱর্ক অমগী মনুংদা মতৌ করম্না কম্প্যুটরশিং খিনগনি হায়বদুনি ।ওইথোকপা য়াবা তোঙান-তোঙানবা টোপোলোজিগী মওং কয়ামরুম লৈ । য়াম্না তোয়না শিজিন্নবা টোপোলোজিদি বসনি । পরেং ওইনা লৈবা কেবল শিজিন্নদুনা শম্বা বসকী নেতৱর্কতদি কম্প্যুটর অমখক্তমক মতম অমদা হেক্তা ত্রান্সমিত তৌবা য়াহল্লি ।অদুগা অতৈ কম্প্যুটরশিংনা ঙাইদুনা লৈগনি।  করিগুম্বা কম্প্যুটর অনি নত্ত্রগা অনিদগী হেনবা কম্প্যুটরশিংনা চপ মান্নবা মতম অমদা দাটাশিং থাগে হায়রবদি মদুগী মুক্নবদু ৱাখৈনবগীদমক য়াশিন্ননবগী থৌওং অমা দরকার লৈ। অতোপ্পা টোপোলোজি অমনা কম্প্যুটরশিংবু হব শিজিন্নদুনা ষ্টারগী মওংদা শম্নবনি। হব শিজিন্নদুনা কম্প্যুটর ৪/৮/১২/২৪ শম্নবা য়াই। LAN শম্বগী মওং অসিগী চাদা ৯০ দি মসিগী টোপোলোজি অসি শিজিন্নৈ।

LAN শম্বগী খ্বাইদগী কম্নন ওইবা ষ্টেন্দর্দতি ইথর্নেত হায়না খঙনবা IEEE 802.3 হায়বসিনি। মসিনা ষ্টেন্দর্দ অসিনা করম্বা মখলগী কেবলশিং অমদি কন্নেকতরশিং শিজিন্নগনি হায়বদু তাকই। মখাদা পিরিবা মওং অসিগুম্না তৌরবদি দাটা পুথোক-পুশিন তৌবগী খোংজেল অসি Mbps ১০ ওইগনি।

অথাবা মখলগী কো-এক্সিয়েল শিজিন্নবা ইথর্নেত অদুবু অথাবা ইথর্নেত হায়না খঙনৈ অমদি মসিনা মিটর ৫০০গী LANগী শরুক অমা শেম্বা য়াই। মসিবু 10Base-5 network হায়রগসু খঙনৈ।  

অপাবা ইথর্নেত নত্ত্রগা 10 Base-2 LAN হায়রিবসিনা অপাবা মখলগী কো-এক্সিয়েল কেবল শিজিন্নৈ অমসুং LANগী শরুক অদু মিটর ১৮৫দগী হেনবা য়ারোই।মসিগী নেতৱর্ক অসিদা BNC কন্নেক্তরশিং শিজিন্নৈ।

হৌজিক্কী মতমদা LAN শেম্বা মতমদা চাদা ৯০ দি UTP (Unshielded Twisted Pair) কেবলশিং শিজিন্নৈ।মসি শিজিন্নবগী খুদোংচাবদি শেল য়াম্না চংদে অমদি শেম-শাবদা হেন্না লায়। LAN গী পাক-চাওবদু মিটর ১০০দগী হেনবা য়ারোই অমদি কম্প্যুটরশিং অদু ষ্টার টোপোলোজি শিজিন্নরগা ময়াইগী হব অমদা নত্ত্রগা স্বিচ অমদা শম্নগনি। 10 Base-T ষ্টেন্দর্দতদি UTP category 3 গী কেবল অমসুং RJ 45 কন্নক্তরশিং শিজিন্নৈ। অদুগা UTP CAT5 (category 5) কেবল অমসুং স্বিচ শিজিন্নরগনা দাটা থাদোক-থাজিন তৌবগী খোংজেলসি Mbps ১০০ ফংবা ঙম্মী।মসিগী মওং অসিনা 100 Base-Tহায়না খঙনৈ।

ৱাইদ এরিয়া নেতৱর্ক (WAN) হায়বসিনা য়াম্না পাক-চাওবা মফম অমা কোনশিনবা মখলগী নেতৱর্কনি।মসিনা কোনশিনবা য়াবা জগা অসি লৈবাক অমা নত্ত্রগা মহাদেশ অমা ওইবা য়াই।  WAN হায়বসি তোঙান তোঙানবা মফমদা চাইখাইদুনা লৈবা টেলিকম্মুনিকেসন নেতৱর্ক অদুবুনি।অনকপা জগা অমগী ৱাংমদা দাটাশিং থাদোক থাজিন তৌনবগীদমক্তি দটাগী হৌরকফম অমসুং পন্থুংফমগী মরক্তা স্বিতচিং নোদশিং হাপ্পা নেতৱর্ককী খুত্থাংদা তৌই।অসিগুম্বা স্বিতচিং নোদশিং অসি লাইন অনি নত্ত্রগা অনিদগী হেনবা ত্রান্সমিসন লাইনশিং শম্ননবগীদমক শিজিন্নবা অখন্নবা কম্প্যুটরশিং অদুবুনি। দাটা পুশিল্লকপা লাইন অমদা দাটা হেক থুংলবগা স্বিতচিং নোদশিংনা দাটা পুখিগদবা লাইন অমা খল্লগা দাটাশিংদু থাখিগনি। স্বিতচিং নোদশিং করম্বা তার্ম ওইনা শিজিন্নগনি হায়বদু অমত্তা ওইনা য়াশিন্নবা লৈত্রি অদুবু মসি রুটর হায়রগা অয়াম্বনা শিজিন্নৈ। মসিগী তার্ম অসিনা লোকেল এরিয়া নেতৱর্ক অমসুং হেন্না পাকথোক চাওথোকপা টেলিকম্মুনিকেসন ষ্ট্রকচর অমগী খেন্নবদু তাকই। ৱাইদ এরিয়া নেতৱর্ক (WAN) সি লনাইগী নত্ত্রগা শান্দোকপা নেতৱর্ক ওইবা য়াই।অদুম ওইনমক মসিগী নেতৱর্ক মখল অসিদি শরুক য়ামিন্নবা ময়ামগী নেতৱর্ক অদুবু খংনৈ।   

ৱাইদ এরিয়া নেতৱর্ক (WAN) অয়াম্বদা রুটরগী জুরা অমমমদা শম্বা মশিং য়াম্বা কেবল নত্ত্রগা টেলিফোন লাইনশিংগী  নেতৱর্কশিং য়াওই। কেবল অমদা সিয়ার তৌদবা রুটর অনিনা পাউ ফাওননিংলগদি অতোপ্পা রুটরগী খুত্থাংদা নাকোইননা পাউ ফাওনগনি। মরক্কী রুটর অমা নত্ত্রগা অনিদগী হেনবা রুটরগী খুত্থাংদা পেকেত অমা রুটর অমদগী অমদা থাবা মতমদা পেকেত অদু মরক্কী রুটরশিং অদুদা পুল্লপ ফংলবা মতুংদা দরকার ওইবা পুথোকখিনবা লাইন হাংদ্রিবফাওবা ষ্টোর তৌদুনা থমগনি অমদি হাঙলবা মতমদা পেকেত অদু থাখিগনি। 

পোইন্ট-টু-পোইন্ট লিন্ক

 

পোইন্ট-টু-পোইন্ট লিন্ক অমনা টেলিফোন কম্পনিগু্ম্বা কেরিয়র অমগী খুত্থাংদা কষ্টমরগী জগাদগী লাপ্না লৈবা নেতৱর্ক অমগী মরক্তা হান্না শেমদুনা লৈরবা WAN কম্মুনিকেসনগী লম্বী অমা পী। পোইন্ট-টু-পোইন্ট লাইনশিং অসি মহৌশানা কেরিয়র অমনা শান্দোকই(লিজ তৌবা) অমসুং মসিবু লিজ লাইন হায়না কৌই। পোইন্ট-টু-পোইন্ট লাইনগীদমক কেরিয়র অদুনা ৱাইর জুরা অনিগা অদোমগী লাইন অদুখক্কী ওইবা হার্ডৱাইরগী খুদোংচাবা পীগনি। অসিগুম্বা মখলগী সার্কুইত অসিগী মমলসি দরকার ওইবা বেন্দৱিদ অমসুং শম্নরিবা পোইলন্টশিং অনিদুগী অরাপ্পদা য়ুম্ফম ওই। পোইন্ট-টু-পোইন্ট লিন্কশিং অসি ফ্রেম রিলেগুম্বা সিয়ার তৌবা সারবিশিংদগী হেন্না শেল চংই। মখাগী ফিগর অসিদা WANগী খুত্থাংদা শম্বা পোইন্ট-টু-পোইন্ট লিন্ককী খুদম অমা উতলি।

 

 

সার্কুইত স্বিটচিং

 

সার্কুইত স্বিটচিং হায়রিবা মখল অসিদদি দরকার হেক লৈবগা দটা কন্নেক্সন তৌবা য়াহল্লি অদুগা পাউ ফাওনবদু হেক লোয়বগা শম্নবদু ককখতখিগনি। মসিগী মওং অসি ঐখোয়না টেলিফোন লাইনদা পাউ ফাওনরিবা অদুগুম্বা মওংদুনি। ইন্টিগ্রেতেদ সারবিসেস দিজিতেল নেতৱর্ক (ISDN) অসি সার্কুইত স্বিটচিংগী খ্বাইদগী চান্নরবা খুদমনি। করিগুম্বা রুটর অমনা অরাপ্পা মফম অমগী দাটা লৈরবা মতমদা স্বিটচ তৌরবা সার্কুইত অদু অরাপ্পা নেতৱর্ক অদুগী সার্কুইত নম্বরগা লোয়ননা পাউ ফাওনবা হৌরক্কনি। ISDN সার্কুইতশিংগী ওইনদি খুতলায়দুনা অরাপ্পা ISDN সার্কুইত অদুগী টেলিফোন নম্বরদা কোল অমা তৌগনি। অসুম্না নেতৱর্ক অনিনা শম্নরবা মতুং অমসুং চুম্নে খঙলবা মতুংদা দাটাশিং থাদোক-থাজিন তৌবা য়ারগনি। দাটাশিং থাদোক-থাজিন তৌবা লোইরবা মতুংদা কোল অদু লোইশিনখিগনি।

 

 

পেকেত স্বিটচিং

 

পেকেত স্বিটচিং হায়বসি শিজিন্নরিবশিংনা কেরিয়র রিসোর্সশিংদা পুন্না সিয়ার তৌবা WAN টেক্নোলোজি অদুনি। মেসেজশিংবু পেকেত হায়না খঙনবা অপিক অপিকপা দাটা য়ুনিতশিংদা খায়দোকই অমসুং মফম অমদগী মফম অমদা থাই। মসিনা কেরিয়রনা মশাগী লৈজরিবা ইনফ্রাষ্ট্রকচর অদু য়াম্না হৈ-শিংনা শিজিন্নবা ঙমহল্লি অমসুং কষ্টমরগী ওইনা শেল তিংবগী চাংসু পোইন্ট-টু-পোইন্টতগী য়াম্না হন্থৈ। অসিগুম্বা মওংগী স্বিটচিং অসিদা নেতৱর্কশিং অদু কেরিয়রগী নেতৱর্ক অমদা শম্মী অমসুং কষ্টমর ময়াম অমনা কেরিয়রগী নেতৱর্ক অদু সিয়ার তৌমিন্নৈ। কেরিয়র অদুনা কষ্টমরশিংগী মরক্তা ভর্চুয়েল লার্কুইতশিং শেম্লগা দাটাশিংদু নেতৱর্ক অদুগী খুত্থাংদা মফম অমদগী মফম অমদা থাই। কষ্টমর ময়াম্না সিয়ার তৌমিন্নরিবা কেরিয়রগী নেতৱর্ক শরুক অদুবু ক্লাউদ (cloud) হায়না খঙনৈ।  পেকেত স্বিটচিংগী খুদম খরদি এসিন্ক্রোনস ট্রান্সফর মোদ  (ATM), ফ্রেইম রিলে (Frame Relay), স্বিটচ মলটি মেগাবিট দাটা সারবিসেস (SMDS), অমসুং X.25 নি।

 

 

ইন্টর্নেত হায়বসি মালেমগী ওইনা খ্বাইদগী চাওবা কম্প্যুটর নেতৱর্কনি অমসুং অসিবু নেতৱর্কশিংগী নেতৱর্ক হায়রগা খঙনৈ। ইন্টর্নেতকী খ্বাইদগী শিংথানিংঙাই ওইবা অমা হায়রগদি মসিগী নেতৱর্ক অসি কনামত্তনা মপু ওইদবা অসিনি। মসি মালেম অসিদা লৈরিবা অপিকপা অমসুং অচৌবা মখলগী নেতৱর্কশিংগী অপুনবা নেতৱর্ক অদুবুনি। ঐখোয়না ইন্টর্নেত হায়না খঙনরিবা অসি নেতৱর্ক ময়াম অমা তোঙান তোঙানবা মওংদা শম্নরবা মতুংদা শেম্লকপনি। তশেংনা হায়রবদা ইন্টর্নেতকী মমিং অসিমক অমগা অমগা শম্নরবা নেতৱর্ক (interconnected networks) হায়রিবসিদগী লাকপনি। "ইন্টর্নেত" হায়বা তার্ম অসি ইং ১৯৮২দা ইহান হান্না শিজিন্নবা হৌখি। তার্ম অসি TCP/IP প্রোতোকোল শিজিন্নদুনা শেম্বা অমগা অমগা শম্নবা নেতৱর্কশিংগী অপুনবা নেতৱর্ক অদুবু খঙনননবা শিজিন্নখিবনি। 

 

 

ইন্টর্নেতকী হৌরকফম ওইরিবা ARPANET (এদভান্স রিসর্ছ প্রোজেক্ট এজেন্সি নেতৱর্ক) হায়রিবসি ইং ১৯৫৭ তা য়ু.এস. দিপার্টমেন্ট ওফ দিফেন্সনা হৌদোকখিবনি। চহি তরাগী মনুংদা মসি মালেমগী ওইনা খ্বাইদগী চাওবা, শক্তি লৈবা অমসুং লাক্ন-ফান ঙমদবা ফোর্স অমা ওইরকখি। কম্প্যুটর সিষ্টেম মরিখক্তদগী ইং ১৯৫৯দগী হৌরকখিবা ইন্টর্নেত অসি কম্প্যুটর সিষ্টেম মিল্লিয়ন কয়াদা হেনগতলকখি। ইন্টর্নেতসি কনামত্তনা মপু ওইদ্রগসু তোঙান-তোঙানবা মওং কয়াদা য়েংশিল্লি অমসুং ঙাক-শেল্লি। ইং ১৯৯২ দা লিংখতখিবা ইন্টর্নেত সোসাইতি কৌবা শেন্দোং তান্দবা কাংবু অসিনা ঐখোয়না ইন্টর্নেত শিজিন্নবদা দরকার ওইবা পোলিসি অমসুং প্রোটোকোলশিং শেম্বদা য়েংশিল্লি।

ইন্টর্নেত হৌদোকখিবা কাংবুশিংদুনা অহানবদা মহৈ-মশিং তম্ফমশিংদা থিজিন-খোমজিনবা অমদি হেন্না ফবা মখলগী ই-পাউ ফাওনবগী পাম্বৈ পুথোক্নবগী পান্দমদা ইনফ্রাষ্ট্রকচরশিং শেমগতখিবনি। ইং ১৯৯০ অদুৱাইদা কন্জুমর ময়াম অমনা ইন্টর্নেত শিজিন্নরকপা হৌরকপা মতমদা মীওই খরনা ইন্টর্নেত অসিবু পোষ্টতা থানরিবা চিঠি অদুগী য়াম্না থুবা ভর্জননি হায়না লৌনরম্মী।শুপ্নতগী হৌখিবা চহি ১০ অসিদা  কন্জুমরশিংনা ইন্টর্নেতপু ইন্টরতেনমেন্ট, পোত-চৈ লৈবা, করবার, বেন্কিং অমদি ইশাগী কান্নবা হিরম কয়াদা শিজিন্নবা হৌরকখি।

ইন্টর্নেত প্রোটোকোল (IP) এদ্রেস অমা শিজিন্নদুনা ইন্টর্নেততা শম্বা কম্প্যুটর অমগী মফম অমা পীবা (এদ্রেস অমা পীবা) য়াই অমসুং দেমোইন নেম সারবিস (DNS) শিজিন্নদুনা মফম খঙদোকপা য়াই।  IP এদ্রেসতা নেতৱর্ক অদুগী এদ্রেস (লৈফম) অমসুং নেতৱর্ক অদুগী মনুংদা লৈরিবা কম্প্যুটরদুগী এদ্রেস য়াওগনি। IP এদ্রেস অমগী মওংসি মখাগী অসিগুম্না ওইগনি

২১৫.২৭.৫১.১৩৭.

ঐখোয় মীওইবনা নিংশিংবদা হেন্না লায়নবা IP এদ্রেসশিং অসি মথক্কী অসিগুম্না দেসিমেল নম্বরদা ফোংদোকপনি। অদুবু তশেংবদি  কম্প্যুটরনা পাউ ফাওনরিবসিদি বাইনরি ফোর্মদনি। মথক্তা পীখিবা IP এদ্রেস অসি বাইনরি ফোর্মদা মখাগী অসুম্না তৌগনি:

১১০১১০০০.০০০১১০১১.০০১১১১০১.১০০০১০০১

IP এদ্রেসতা য়াওরিবা মশিং মরি অসি ওক্তেত কৌই মরমদি মখোয়শিংদু বাইনরি ফোর্মদা য়েংবা মতমদা মশিং নিপান লৈ। কাখল অমমমদা লৈরিবা মশিং নিপান নিপান অসি তিনশিন্নবা মতমদা অদোম্না ৩২ ফংগনি, মসিননি IP এদ্রেস অসি বিট ৩২গীনি হায়না খন্নরিবসি।  কাখল অমমমদা লৈরিবা মশিং অসিদা লৈবা য়ারিবা মশিংসি ১ নত্ত্রগা ০ নি অমদি অপুনবা ওইথোকপা য়াবা মশিংনা ২^৮ নত্ত্রগা ২৫৫ নি। মরম অদুনা মশিং নিপালগী কাখল অমমমগী ভেলু অসি ০ দগী হৌরগা ২৫৫ ফাওবগী মনুংদা লৈগনি। অসুম্না কাখল মরিসিগী ওইনা পুল্লপ তিনশিন্নরবদি অদোম্না ফংবা য়াবা তোঙান তোঙানবা মান্নদবা মশিং অসি ৪,২৯৪,৯৫৭,২৯৫ নি!

ওইথোকপা য়াবা অপুনবা মশিং বিল্লিয়ন ৪.৩সিগী মনুংদা অকক্নবা ভেলু খরদি IP এদ্রেস ওইনা শিজিন্নবদা অথিংবা লৈ। খুদম ওইনা IP এদ্রেস ০.০.০.০ অসি দিফোল্ট নেতৱর্ক্কী ওইনা খাক্তুনা থম্মি অমসুং IP এদ্রেস ২৫৫.২৫৫.২৫৫.২৫৫ অসিনা ব্রোদকাষ্টশিংগী ওইনা শিজিন্নৈ।  

ওক্তেতশিং অসি মশিংশিংবু খায়দোকপা খক্তগী নত্তনা হিরম অমদসু শিজিন্নৈ। মখোয়শিং অসি পাক-চাওবা অমসুং দরকারগী মতুং ইন্না অকক্নবা বিজিনেস অমদা পীবা IP এদ্রেসশিংগী ক্লাসশিং (classes) শেম্বদসু শিজিন্নৈ। ওক্তেতশিং অসি নেট(Net) অমসুং হোষ্ট (Host) হায়দুনা সেক্সন অনি থোক্না খায়দোকই। মতম খুদিংমক্তা নেট সেক্সনদা অহানবা ওক্তেত য়াওই।  মসিনা কম্প্যুটরদু করম্বা নেতৱর্কতা য়াওই হায়বদু তাক্নবা শিজিন্নৈ। হোষ্ট (করিগুম্বা মতমদা নোদ হায়নসু খঙনৈ) হায়রিবসিনা নেতৱর্ক অদুদা লৈরিবা চপ-চাবা কম্প্যুটরদু মশক তাকই।  মতম খুদিংমক্তা হোষ্ট সেক্সনদা অরোইবা ওক্তেত য়াওই। অকক্নবা এদ্রেসশিং খরগা লোয়ননা IP ক্লাস মঙা লৈ।

ইন্টর্নেত থোরকপা কুইদ্রিঙৈদা, মশিং ইয়াম য়ামদবা কম্প্যুটরশিং অমগা অমগা টেলিফোন লাইন অমদি মোদেম শিজিন্নরগা শম্নরম্মী। মদুগী মতমদুদদি অদোম্না কম্প্যুটর অমগা শম্নগে হায়রবদি কম্প্যুটর অদুগী IP এদ্রেস পীরগা শম্বা তারম্মী।  খুদম ওইনা IP এদ্রেস অদু ২১৫.২৭.২২.১৫২ ওইবা য়াই। মসি হোষ্ট মশিং য়ামদ্রিঙৈদদি থোইনা নুঙাইতবা লৈরমদে। অদুবু সিষ্টেম মশিং অসুম অসুম হেন্না ওনলাইন ওইরকপা মতমদদি মথোং-মরম খঙলক্তে।  

মসিগী প্রোব্লেম অসি লৈতনবগীদমক অহানবা ওইনা IP এদ্রেসশিং অদুগা মমিংশিং য়াওবা অচম্বা টেক্স ফাইল অমা নেতৱর্ক ইনফোর্মেসন সেন্টরনা শেম-শাদুনা থম্মী। মসিগী ফাইল অসি ইকুই কুইদনা য়াম্না চাওমল্লকপদগী মেনেজ তৌবদা খুদোং চাদবা অমা ওইরকখি। ইং ১৯৮৩ দা য়ুনিভর্সিতি ওফ ৱিস্কোনসিননা IP এদ্রেসশিং মশা মতোমতা চান্নহনবা দোমেইন নেম সিষ্টেম(Domain Name System (DNS)) পুথোকখি।

DNS স্কিম্না এদ্রেসশিংদা আর্থ চেনবা মমিং পী। খুদম ওইনা

Username@Organisationname.OrganistationType.Geography

ইন্টর্নেতকী অার্কিতেক্চর অসি মরোল অহুম থোক্না খায়দোকপা য়াই।  অহানবগী মরোল অসিদা ইন্টর্নেতকী য়াংলেন শরু য়াওই অমসুং য়াম্না য়াঙবা নেতৱর্ক লাইনশিং য়াওই। নেস্নেল সাইন্স ফাউন্দেসন (NSF) না ইং ১৯৮৭ তা NSFNET কৌবা য়াম্না য়াংবা য়াংলেন শরু অমা শেমখি। মসি অপিকপা নেতৱর্ক ১৭০ নেতৱর্ক পুল্লপ শম্নরগা ১.৫৪৪ Mbps (million bits per second) দা চল্লাইবা   T1 লাইননি। মথংগী চহিদনা IBM, MCI অমদি Merit না  NSF কা পুন্না থবক তৌমিন্নদুনা T3 (৪৫ Mbps)গী য়াংলেন শরু অমা অমুক শেমখি। য়াংলেন শরু হায়রিবসি ফাইবর ওপতিক ত্রন্ক লাইনশিংনি। কেপাসিতি হেনগতনবা ত্রন্ক লাইন হায়রিবসিদা ফাইবর ওপতিক কেবল ময়াম অমা পুনশিল্লি।  ফাইবর ওপতিক কেবল হায়বসি ওপতিকেল পুনবগী শেম্লবা ওপতিকেল কেবলশিংনি, খুদম ওইনা OC-3, OC-12 নত্ত্রগা OC-48।. OC-3 লাইননা Mbps ১৫৫ পুবা ঙমই অদুগা  OC-48 না Mbps ২৪৮৮ (২.৪৮৮ Gbps) পুবা ঙমই। নোদশিংবুনা নেতৱর্ক এস্সেস পোইন্ট (NAPs) কৌই। ইন্টর্নেত সারবিস প্রোভাইদর (ISP) হায়না খঙনরিবা অসিনা অনিসুবা মরোলনি। ISP শিং অসিনা অয়াংবা লাইনশিংগা লোয়ননা NAPশিংগী য়াংলেন শরুদা শম্মি। অদুগা অহুমসুবা মরোলদা লৈরিবা শিজিন্নরিবশিং অদুনা দাইল অপ নত্ত্রগা লিজ লাইন নত্ত্রগা মোদেম শিজিন্নদুনা ISP শিংদা শম্মি। অসুম্না তৌরিবা কম্মুনিকেসন অসিগী অয়াঙবসি bps ১৪০০ দগী  kbps ২০৪৮ ফাওবা ওই।

অশেংবা ইন্টর্নেত্তদি য়াম্না চাওবা ইন্টর্নেত প্রোভাইদর ময়াম অমা তোঙান-তোঙানবা সিতিশিংদা লৈবা NAPশিংদা অমগা অমগা শমজিন্নৈ। অদুগা মসিগী পোইন্টশিং অসিদা বাইট ট্রিল্লিয়ন কয়াগী দাটা পুথোক-পিশিন তৌরিবনি।

                                                                         

ইন্টর্নেত্তা ফাইল ত্রান্সফর প্রোটোকোল (FTP), চেত (ৱারি শান্নবা), ই-মেইল, টেলনেত, নিউজ গ্রুপ, গোফর অমসুং ৱার্ল্দ ৱাইদ ৱেব (WWW) কুম্বা সার্বিস কয়ামরুম ফংই।

 

 

মসিনা ইন্টর্নেত্তা ফংলিবা ইনফোর্মেসন খুদিংমকপু অমত্তা ওইনা অচৌবা ৱেব অমদা পুলশিল্লি। মসি ইন্টর্নেত্তা ফংবা খ্বাইদগী শিজিন্নবা নুংঙাইবা সার্বিস অমনি। মসিগী সার্বিস অসিনা ইনফোর্মেসন য়াওবা কম্প্যুটর অমদা হেক্তা শম্বা য়াই। মসিনা সাইতশিংগা শম্নহনবা য়াবগী খুদোংচাবদু পী। ৱেব সর্ভরশিং অসি ইন্টর্নেত সর্ভরদা চল্লাইবা সোফৱাইর অদুনি অমদি মসিনা ৱেব শিজিন্নরিবশিং অমদি অতৈ সর্ভরশিংদা ইনফোর্মেসন পী। ইন্টর্নেত সর্ভরশিংনা ইন্টর্নেত্তা ইনফোর্মেসনশিং ষ্টোর তৌদুনা থম্মি। ইন্টর্নেত্তা শম্লিবা কম্প্যুটর খুদিংমক সর্ভর নত্ত্রগা ক্লাইন্ট ওই। অতোপ্পা মেছিনশিংদা সার্বিস পীবা মেছিনশিং অদুনা সর্ভরনি অদুগা সার্বিস ফংনবগীদমক অতোপ্পা মেছিনদা শম্লিবা মেছিন অদুনা ক্লাইন্টনি। মালেমগী মফম খুদিংমক্তা লৈরিবা ইন্টর্নেত শিজিন্নরিবা মীওইশিংগী দরকার লৈবশিং পীনবগীদমক ৱেব সর্ভর, ই-মেইল সর্ভর, FTP সর্ভর অসিনচিংবা কয়া লৈ।  

ৱেব সর্ভরদা লৈবা ইনফোর্মেসনশিং অসি হাইপর টেক্স মার্কঅপ লেঙ্গুএজ (HTML) দা শেমগতলগা থম্মী।  মসিদা তোঙান তোঙানবা চে-চাংশিংদা শম্নবা টেক্স অমসুং ইমেজশিং য়াওই। HTMLনা 2-Dগী ইফেক পী।অদুবু ইমেজশিং অমদি মখোলগী ইফেকশিংদা 3-D লৈহন্নবা ভর্চুয়েল রিয়েলিতি মোদেল্লিং লেঙ্গুএজ নিংথিজনা শিজিন্নবা য়াই। ৱেব ব্রাউজর হায়বসিনা WWW দা শম্নহল্লিবা সোফৱাইর অদুনি। মসিগী সোফৱাইর অসিনা শিজিন্নরিবা মীওই অদুগী মেছিনদা রন তৌই। ৱেব ব্রাউজরসি ফোর্মেত অনিদা ফংই: গ্রাফিকেল ফোর্মেত অমসুং টেক্স ফোর্মেত । অকক্নবা পোর্ট অমদা সার্বিস অমগীদমক ক্লাইন্ট অমনা হেক শম্বগা অখন্নবা প্রোটোকোল অমা শিজিন্নদুনা সার্বিসতু ফংই । প্রোটোকোল হায়বসি ক্লাইন্ট অমসুং  সর্ভরনা মতৌ করম্না পাউ ফাওনগদগে হায়বদু তাকপা নিয়মশিং অদুনি ।  ইন্টর্নেত্তা লৈরিবা ৱেব সর্ভর খুদিংমক হাইপর টেক্স মার্কঅপ লেঙ্গুএজ (HTML)দা চান্নগনি ।  

WWW তা করিগুম্বা চে-চাং অমা মফম খঙনবগীদমক য়ুনিফোর্ম রিছোর্স লোকেতর হায়না খঙনবা তোপ তোপ্পা এদ্রেস অমা দরকার লৈ ।  মসিদা শরুক অহুম য়াওরি: প্রোটোকোল মমিং, সর্ভর এদ্রেস অমসুং সর্ভরগী জগা মনুংদুদা লৈবা চে-চাং অদুগী চপ চাবা লৈফম ।  অদোম্না করিগুম্বা লমায় অমা পানবগীদমক http://www.doeacc.org.in/info.htm দা শম্বা মতমদা, অদোমসি ক্লাইন্টকী মেছিন অমদা ফম্লিবা শিজিন্নরিবা মীওই (user) অমনি ।  অদোম্না DOEACC কী ৱেব সর্ভরদা চঙশিল্লিবনি । সর্ভরগী মেছিন অদুনা অদোম্না পাগে হায়জরক্লিবা লমায়দু থিরগা অদোমদা থারক্লিবনি ।  ক্লাইন্ট অদুনা সর্ভর মেছিনদা রন তৌবা অখন্নবা সোফৱাইরগী সর্ভর অমদা হায়জরক্লবা মতুংদা মসিগী থবক অসি পাংথোকপনি। খুদম ওইনা, অদোম্না করিগুম্বা অদোমগী মেছিন অদুদা ৱেব ব্রাউজর অমা রন তৌরবদি মসিনা সর্ভর মেছিন অদুগী ৱেব সর্ভরদা ৱারি শান্নবা পামগনি, ই-মেইল সর্ভরদুদা ৱারি শান্নরোই ।

 

 

 

ই-মেইল

মসি ইন্টর্নেত শিজিন্নরিবা তোঙান তোঙানবা মীওইশিংগী মরক্তা ওফলাইন ওইনা পাউ ফাওনবগী লম্বী অদুনি অনি ।  ইলেক্ত্রোনিক মেইলগী মতেংনা অদোম্না য়াম্না থুনা সহর, লৈবাক অমসুং মালেমগী মফম অমদা লৈবা মীওইশিংদা পাউজেল থাবা য়াগনি । মসিগী পাম্বৈ অসিনা মালেম অসিদা পাউ ফাওনবগী মওং অসি য়াম্না চাওনা অহোংবা পুরক্লে ।অইবা ময়েক ওইনা পাু ফানবগী মথক্তা ইন্টর্নেত মেইলগী মতেংনা অদোম্না দিজিতেলদা ওন্থোক্লবা পিকচরশিং, মখোল, কম্প্যুটর প্রোগ্রামশিং থাবা অমসুং কনাগুম্বা অমদগী ফংবা ঙম্মী । মসিগী পাম্বৈ অসি শিজিন্নদুনা মালেমগী মফম কয়াদা লৈরিবা ইলেক্ত্রোনিক লাইব্ররি অমসুং আর্কাইবশিংদা লৈরিবা রিসোর্ছশিং ফংবা ঙম্মী । অরোইবদা মেগাজিন অমসুং পাউচেশিংগা মান্নবা মেইলিং লিষ্টশিং সবস্ক্রাইব তৌবা য়াই ।  মসিগী মথক্তা সবস্ক্রাইব তৌরিবা মীওইশিংনা অমগা অমগা ৱারি শান্নদুনা লনাইগী ফোরম অমা ওইনা ওন্থোকপসু য়াই ।   

 

ৱারি শান্নবা (Chat)

ৱারি শান্নবা (Chat)নত্ত্রগা ইন্টর্নেত রিলে চেত হায়বসি রিয়েল তাইমদা তোঙান-তোঙানবা চেন্নেল অমসুং তোঙান-তোঙানবা মীওই কয়ানা ৱারি শান্নবা য়াবগী পাম্বৈ অদুনি ।  মসিনা মীওই কয়া ৱারি শান্নবা য়াহল্লি ।  করবার অমসুং লল্লোন ইতিক্কী হিরম কয়দসু মসি শিজিন্নবা য়াই ।

 

নিউজ গ্রুপশিং (News Groups)

মসিগী ইন্টর্নেত সার্বিস অসিগী খুত্থাংদা ইন্টর্নেত শিজিন্নরিবা মীওই কয়ানা পাউ ফাওনবা ঙমহল্লি অমসুং মখোয় মখোয়গী মত অমসুং মিতয়েংশিং অমগা অমগা সিয়ার তৌমিন্নবা য়াহল্লি । নিউজ গ্রুপ অমা হায়বসি ইন্টর্নেত সাইত অমদা লৈবা অইবা ৱারোল য়াওবা অকক্নবা হিরম অমদা খন্ন-নৈনবদুনি অমদি মসি নিউজ দিস্কসন গ্রুপশিংগী ৱার্ল্দৱাইদ নেতৱর্ক অমা ওইরিবা ইউজনেট(Usenet) তা অমুক হন্না য়েন্থোকই ।  ইউজনেট(Usenet) না নেতৱর্ক নিউজ ট্রান্সফর প্রোটোকোল(NNTP) শিজিন্নৈ । নিউজ গ্রুপশিং অসি সবজেক্টকী মতুং ইন্না অহান-অকোন শেম্মী। নিউজ গ্রুপকী অহানবা ময়েক খরনা অচৌবা সবজেক্ট কেটেগোরি খঙনৈ অদুগা সব-কেটেগোরিনা সব-টোপিক্কী মমিং অমনা মহুত শিল্লি । সবজেক্ট কয়া অমদি সব-টোপিক্কী লেবেল কয়ামরুম লৈ। অচৌবা সবজেক্ট কেটেগোরিশিং খরদি : নিউজ, rec (অৱা পোত্থাবা), soc (সোসাইতি), sci (সাইন্স), comp (কম্প্যুটর) অমদি অতৈ কয়া অমা । শিজিন্নরিবা মীওইশিংনা হান্না লৈবা নিউজগ্রুপশিংদা মশাগী মিতয়েং থাগতপা য়াগনি, হান্নগী থাগত্তুনা লৈবা মিতয়েংদা পাউখুম পীবা য়াগনি অমসুং অনৌবা নিউজগ্রুপশিং শেম্বা য়াগনি ।   

টেলনেট (Telnet)

মসিগী ইন্টর্নেতকী খুতলায় অসিনা ইন্টর্নেত্তা লৈবা য়ুম্বু ওইবা কম্প্যুটর অমদা লোগিন তৌবা য়াহল্লি ।  কম্পনি কয়ানা টেলনেটকী খুত্থাংদা চঙশিনবা য়াবা গেষ্ট লোগইন পী । মসি তৌবগী থৌওং অনি লৈ: কম্মান্দ মোদ (Command mode)অমসুং ইনপুট মোদ(input mode)। কম্মান্দ মোদ (Command mode)না অরাপ্পা মফমদা লৈবা য়ুম্বু ওইবা কম্প্যুটর অদু হাংদোকপা, খুমজিনবা অমসুং থাদোকপা মতমদা শিজিন্নৈ ।  অদুগা ইনপুট মোদ(input mode)না তোঙান তোঙানবা দাটাশিং হাপচিনবা মতমদা শিজিন্নৈ ।  

গোফর(Gopher)

মসি মেনুদা য়ুম্ফম ওইবা ইনফোর্মেসন লৌথোকপগী খুতলায়নি । মসি খ্বাইদগী নক্নবা মেনু ফংনবা কীৱার্দ (মচং ওইবা ৱাহৈ) থিবদা শিজিন্নৈ । মসি টেলনেটতা শম্নরগা ইনফোর্মেসনশিং লৌথোক্নবা শিজিন্নৈ । মসি www থোরক্ত্রিঙৈদা য়াম্না পাম্না শিজিন্নরম্মী ।

এফটিপি (FTP)

ফাইল ট্রান্সফর প্রোটোকোল (FTP) অসি অতোপ্পা কম্প্যুটর অমদগী অতোপ্পা কম্প্যুটর অমদা ফাইল ওইনা ইনফোর্মেসনশিং পুথোক-পুশিন তৌনবগীদমক শিজিন্নৈ । এফটিপি অসি ইন্টর্নেতকী TCP/IP প্রোটোকোল শিজিন্নবা এপ্লিকেসন প্রোটোকোল অমনি । এফটিপি অসি মরুওইনা সর্ভর ওইনা লৈরিবা কম্প্যুটর অদুদা ইন্টর্নেত্তা লৈরিবা মীওই খুদিংমক্না শিজিন্ননবা কম্প্যুটর অমদগী ৱেবপেজ ফাইল ওইনা থাগতনবা শিজিন্নৈ । মসিগী মথক্তা সর্ভরদা লৈবা কম্প্যুটরশিংদগী প্রোগ্রামশিং অমদি অতৈ ফাইলশিং দাউনলোদ তৌবা মতমদসু শিজিন্নৈ ।  

 

ইন্টর্নেত শিজিন্ননবা অমসুং LAN দা চঙশিন্নবা অদোমগী কম্প্যুটর শেম-শানবা অদোম্না নেতৱর্ক এদমিনিষ্ট্রেতরদগী লৌগদবা ইনফোর্মেসন করা দরকার ওইগনি ।  ইঠর্নেত কার্দ অদু মখাগী অসিগুম্না শেমগতকনি ।

 

ষ্টার্ততা ক্লিক তৌরগা কন্ট্রোল পেনেল খল্লু অদুগা নেতৱর্কতা ক্লিক তৌ নত্ত্রগা দেক্সতোপতা য়াওবা ঐগী নেতৱর্ক (My Network)তা রাইত ক্লিক তৌ অমসুং মসিগী প্রোপরতিজ খল্লু ।  

 

 

২.       মসিগী শ্ক্রিন অসিনা নেতৱর্ক অমসুং দাইল-অপ কন্নেক্সনগী মরমদা তাকই । অদোম্না হাপচিনবা পাম্বা অমদু খল্লু ।

 

৩.লোকেল এরিয়া নেতৱর্ক হাপচিনগে (ইন্সতোল তৌগে) হায়রবদি, আইকোনদু খল্লু, ইঠর্নেত কার্দকী অকুপ্পা মরোল য়াওবা স্ক্রিন অমগা কম্পোনেন্টশিং হাপশিন্নবা অহাংবা জগা অমগা থোরক্কনি ।

 

 

 

 

৪.       ইন্সতোল তৌবগী বট্টনদুদা ক্লিক তৌ অদুগা মাইক্রোসোফ নেতৱর্ককী ক্লাইন্ট, মাইক্রোসোফকী ফাইল অমসুং প্রিন্টর সিয়ার তৌনবা অমসুং NetBEUI প্রোটোকোলনচিংবা কম্পোনেন্টশিং হাপচিল্লু । অদোম্না ইন্টর্নেত শিজিন্নবা পাম্লবদি TCP/IP প্রোটোকোলসু হাপচিনগদবনি ।

 

 

 

 

 

৫.TCP/IP চান্ননা শেম্নবা, মদুদা ক্লিক তৌ অদুগা প্রোপর্তিজদা ক্লিক তৌ ।

 

৫.  ৱিন্দোজ NT/2000 দোমেইনদা DHCP শেমদুনা লৈরগদি obtain IP address automatically (মশা মতোমতা IP এদ্রেস লৌজবা)খল্লু । অদু নত্ত্রগদি IP এদ্রেস অমদি সবনেত মাস্ক অদু হাপচিল্লু ।  DNS তু নেতৱর্ক অদুদা শেমদুনা লৈরগদি IP এদ্রেসতু হাপচিল্লু । DNS সি IP এদ্রেসকা মমিংগা য়াশিন্ননবা শিজিন্নৈ ।

৭. হেন্না খুমাং চাওশিনবা(Advanced)তা ক্লিক তৌ অমসুং WINS কনফিগুরেসন টেব খল্লু । অদোমগী কম্প্যুটর অদু মিং অমনা মশক তাকপনিনা অমদি কম্প্যুটর অমসি নেতৱর্ক্তা শম্নবগীদমক IP এদ্রেস অমা দরকার লৈবনিনা NT/2000 দা য়ুমফ্ম ওইবা নেতৱর্ক্তা মমিংশিং য়াশিন্নবা পুরক্নবগীদমক WINS সি কনফিগর তৌদবা য়াদে । নেতৱর্ক অদুদা WINS সি হাপ্লগদি WINS সর্ভরগী IP এদ্রেস পিশিল্লগা WINS কী রিজোলুসন অদু য়াহল্লু ।  

 

মথক্কী অকুপ্পা মরোলশিং অসি হেক পিখিবগা অদোমগী কম্প্যুটর অদু LAN দা চঙশিন্নবা শেম শাবা লোইরে ।  

 

দাইল অপ কন্নেক্সনগীদমক শেম শাবা

৮.      টেলিফোন লাইনদগী অদোমগী য়ুমগী কম্প্যুটরদগী ইন্টর্নেত শমগে হায়রগদি দাইল অপ কন্নেক্সনদু শেম-শাবা (কনফিগর তৌবা) মথৌ থাই ।  মথক্কী পোইন্ট ২ দা পনখিবা অদুগুম্না খল্লু । নেতৱর্ক কন্নেক্সন ৱিজার্দনা দাইল অপ কন্নেক্সন শেম্বদা মতেং পীগনি । 

 

 

৯.       হায়রক্লিবা ৱারোলশিংদু ইল্লু অমসুং অপাম্বা ইনফোর্মেসনশিংদু পিশিল্লু শমগদৌরিবা মখলদু খল্লু অমসুং মথংদা ক্লিক তৌ ।

 

 

 

১০.      হৌজিক্তি ৱিজার্দ অদুনা অসিগুম্বা মখলগী কন্নেক্সন অদু ফংব্রা হায়বদু খঙবা দরকার ওইরে ।  মখলদু খল্লু অদুগা মথংদা ক্লিক তৌ ।

 

 

 

 

১১.   দাইল অপ কন্নেক্সন অদুগী মমিং অমা পিশিল্লু অমদি মপুং ফাহন্নবা লোয়শিনবগী বট্টনদা ক্লিক তৌ ।  

 

 

 

• অরৈবা রিসোর্ছশিং সিয়ার তৌমিন্ননবা কম্প্যুটর ময়াম অমগা অমগা শম্নরবদি মদু নেতৱর্ক কৌই ।
• LAN অমসুং WAN হায়দনা নেতৱর্ককী তোঙান তোঙানবা মখল কয়া লৈ ।
• নেতৱর্ক অদু অপিকপা জগা অমা খক্তদা লৈবা ওইরগদি মদুবু লোকেল এরিয়া নেতৱর্ক হায়না কৌই ।
• LAN শম্বগী তোঙান তোঙানবা মওং কয়ামরুম লৈ । ওর্গানাইজেসনশিংনা LAN শম্বা মতমদা চাদা ৯০ দি UTP কেবল শিজিন্নরগা শম্মী ।
• নেতৱর্ক অদুনা য়াম্না পাক চাওনা কোল্লগদি হায়বদি লৈবাক শিনবা থুংনা, লৈবাক কয়া শিনবা থুংনা নত্ত্রগা কন্টিনেন্টশিং শিন থুংনা কোনশিল্লগদি অদুগুম্বা মখলগী নেতৱর্ক অদু ৱার্ল্দ এরিয়া নেতৱর্ক হায়না খঙনৈ ।
• ইন্টর্নেত হায়বসি নেতৱর্কশিং ময়াম অমগী নেতৱর্ক অদুবুনি ।
• www, SMTP (ইমেইল), এফতিপি, টেলনেট (অরাপ্পগী লোগইন)গুম্বা তোঙান-তোঙানবা প্রোটোকোলশিং ইন্টর্নেত্তা শিজিন্নৈ ।.
• LAN কার্দ নত্ত্রগা ইঠর্নেত কার্দ অসি ওর্গানাইজেসন অমগী নেতৱর্ক এদমিনিষ্ট্রেতরগা তান্নরগা শেম-শাবা য়াই ।

              ইন্টর্নেত সারবিস প্রোভাইদরগী খুত্থাংদা ইন্টর্নেত অমসুং ই-মেইল শিজিন্নবগীদমক দাইল অপ কন্নেক্সন শেম-শাবা য়াই ।